Եվրոպայի խորհրդի խորհրդարանական վեհաժողովը (ԵԽԽՎ) ամառային նստաշրջանի լիագումար նիստում քիչ առաջ ընդունեց բանաձև՝ Ռուսաստանի դեմ պատժամիջոցները պահպանելու վերաբերյալ: Սակայն վեհաժողովը ՌԴ պատվիրակության անդամներին չզրկեց հավատարմագրումից՝ վեհաժողովում հնչած ձևակերպման համաձայն՝ «երկխոսության դուռ բաց թողնելով»:
Ստեֆան Շեննախի ներկայացրած բանաձևն ընդունվեց 123 «կողմ», 11 «դեմ», 13 «ձեռնպահ» ձայների հարաբերակցությամբ: Փաստորեն, կրկին ռուսաստանյան պատվիրակության անդամները վեհաժողովում զրկված են ձայնի իրավունքից:
Հայկական պատվիրակությունից քվեարկությանը մասնակցել են միայն Արփինե Հովհաննիսյանն ու Հերմինե Նաղդալյանը. երկուսն էլ «ձեռնպահ» են քվեարկել:
Տաթև ՀԱՐՈՒԹՅՈՒՆՅԱՆ
