Ատամնացավը մեղմելու համար ժողովրդական բժշկությունը բազում դեղամիջոցներ է առաջարկում: Դրանցից մի քանիսը ունեն հետեւյալ բաղադրատոմսերը՝ եռացնել եղեսպակի տերեւները եւ գոլ եփուկով ողողել բերանը: Ողողելու ընթացքում աշխատել գոլ եփուկը հեռու պահել ցավոտ ատամից: Բուժման այս գործողությունը կրկնել կես ժամ՝ 3-4 անգամ:
Մեկ այլ միջոց. վերցնել մի փոքր կտոր խոզի ճարպ, դնել ցավոտ ատամի վրա՝ այտի եւ լնդի միջեւ: 15-20 րոպե հետո ցավը կանհետանա:
Ցավոտ ատամի վրա կարող եք դնել եզան լեզվի արմատը եւ պահել մոտ կես ժամ, որից հետո ցավը կդադարի:
Գոյություն ունի ատամնացավն անցկացնելու մեկ այլ բուժամիջոց եւս: Մանր կտրատած սխտորը դնել ցավոտ ատամի հակառակ կողմի վրա գտնվող ձեռքի զարկերակի վրա եւ վիրակապով փաթաթել: Ձեռքի եւ սխտորի միջեւ անհրաժեշտ է դնել անձեռոցիկ կամ թանզիֆ: Որքան էլ զարմանալի է, այն օգնում է մեղմել ատամնացավը:
Կարդացեք նաև
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
29.07.2015
