«Դատապարտյալների հիվանդանոց» ՔԿՀ-ից այսօր «Արթիկ» ՔԿՀ տեղափոխված դատապարտյալ Արթուր Այվազյանը՝ Մանախը, հացադուլ է հայտարարել:
Դատապարտյալը պահանջում է, որ ԱՆ քրեակատարողական ծառայության կենտրոնական մարմնի տեղաբաշխման հանձնաժողովը կատարի վերաքննիչ դատարանի որոշումը և նրան հնարավորություն ընձեռի դուրս գալ բաց ուղղիչ հիմնարկ:
Հիշեցնենք, որ օրերս տեղաբաշխման հանձնաժողովը մեկ անգամ մերժել էր դատապարտյալի դիմումը, որը Այվազյանի պաշտպան, փաստաբան Հայկ Ալումյանը բողոքարկել էր առաջին ատյանի դատարանում: Դատարանն անփոփոխ էր թողել մերժման որոշումը, որը Ալումյանը բողոքարկել էր վերաքննիչ դատարանում՝ խնդրելով վերացնել ՀՀ արդարադատության նախարարության քրեակատարողական ծառայության կենտրոնական մարմնի տեղաբաշխման հանձնաժողովի համապատասխան որոշումը, որով մերժվել էր փոխել Արթուր Այվազյանի ռեժիմը միայն այն պատճառով, որ նա դատապարտված լինելու ժամանակ կրկին հանցագործություն է իրականացրել և, բացի դրանից, պատիժը կրելու ընթացքում 9 անգամ ենթարկվել է կարգապահական տույժի, չի խրախուսվել:
Մանրամասներին կարող եք ծանոթանալ «1in.am»-ի կայքում
