Սյունիքի մարզպետի թիկնապահ Զարզանդ Նիկողոսյանը նեղացած չէ «շեֆից», որ չեղյալ է հայտարարվել Կապանի 6-րդ դպրոցի փոխտնօրենի պաշտոնում իր նշանակումը:
Իսկ ի՞նչ տվեց փոխտնօրենի մեկօրյա պաշտոնը: «Ես քեզ մի բան ասեմ, որ փոխտնօրենի պաշտոնը մի բարձր պաշտոն չէ, բարձր աստիճան չէ, ես, ասենք, համատեղությամբ աշխատում եմ, զբաղվում իմ սիրած գործով, իմ համար կարեւորը դա է։ Թե չէ՝ դպրոցի տնօրենի տեղակալ կաշխատեմ, թե չեմ աշխատի, իմ համար դա երկրորդական հարց ա։ Երեխաների ֆիզկուլտուրայով զբաղվում եմ, որպես ուսուցիչ՝ ֆիզկուլտուրայի, աշխատում եմ, ունեմ կարատեի խմբակ, ունեմ բազմաթիվ սաներ, իմ համար էդ հասարակության կարծիքը, մարդիկ, որ էս քանի օրվա մեջ կարծիքներ են արտահայտում առանց ինձ ճանաչելու, իմ համար էտի լրիվ երկրորդական ա ու նշանակություն չունի։ Իմ շրջապատը, ինձ ճանաչողներն ինձ գիտեն որպես լավ մարդ եւ ինձ սիրում ու հարգում են»։
Իսկ Ձեր ո՞ր հատկանիշի պատճառով խափանվեց կրթական կարիերան: «Միայն ասեկոսեների, ես ոչ քրեական անցյալ ունեմ, ոչ դատվածություն, ոչ էլ հանցագործ եմ»։ Փաստորեն, անգամ Սուրիկ Խաչատրյանը տրվեց «ասեկոսեներին»։ «Ինքն ասեկոսեներին չի տրվում, ինքն իմաստուն մարդ ա, իրա որոշումն էլ լավ եմ ընդունել»։
Լուսինե ՇԱՀՎԵՐԴՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
