Հեռահաղորդակցության միջազգային միությունը հրապարակել է 2015 թվականի «Լայնաշերտ կապի վիճակը» զեկույցը, որում ներկայացված է, թե տարբեր երկրներում բնակչության քանի տոկոսը ունի հնարավորություն մուտք գործել համացանց:
Զեկույցում բոլոր ցուցանիշները ներկայացված են 100 հոգու չափով: Ըստ այդմ՝ Հայաստանում ֆիքսված լայնաշերտ կապից օգտվում են 9.1%-ը (83-րդ հորիզոնական), բջջային կապից՝ 34.2%-ը (87-րդ հորիզոնական), իսկ համացանցից՝ 46.6%-ը (35-րդ հորիզոնական):
Համացանցի հասանելիության աղյուսակում Ռուսաստանը զբաղեցնում է 44-րդ հորիզոնականը (70.5%): Բելառուսում կա 59% հասանելիություն, Ղազախստանում` 54%, Ադրբեջանում՝ 61%, Ուզբեկստանում՝ 46.3%, Ուկրաինայում՝ 43.4%, իսկ Վրաստանում՝ 48%: Աղյուսակի առաջին հորիզոնականներում են Իսլանդիան, Նորվեգիան եւ Դանիան:
Զեկույցի հեղինակները նշել են, որ ամբողջ աշխարհում 4 միլիարդ մարդ դեռեւս չունի հնարավորություն մուտք գործելու համացանց: Այժմ ամբողջ աշխարհի բնակչության միայն 43%-ն (3.2 միլիարդ մարդ) ունի այդ հնարավորությունը: Անցած տարի այդ ցուցանիշը եղել է 2.9 միլիարդ:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
