Ինչպես ավելի վաղ հայտնել էինք, «Հենարան» մամուլի ակումբում Երեւանի ավագանու «Բարեւ Երեւան» խմբակցության քարտուղար, կրթության փորձագետ Անահիտ Բախշյանն այսօր կարծիք հայտնեց, որ սուր-շնչառական վարակներով պայմանավորված դպրոցական արձակուրդները երկարաձգելու դեպքում անհրաժեշտ է հեռավար ուսուցում իրականացնել, որպեսզի աշակերտները հետ չվարժվեն ուսումնական առօրյայից:
«Հայելի» ակումբում էլ ՀՀ ԿԳՆ հանրակրթության վարչության պետը մեկնաբանեց փորձագետի կարծիքը՝ ասելով՝ «Մենք դեռեւս պատրաստ չենք հեռավար ուսուցման: Բոլոր տեղերում այդ գործընթացը կազմակերպելը լուրջ խնդիրների հետ է կապված, բոլոր աշակերտների տանը անպայման պետք է համակարգիչ լինի: Իսկ ուսումնասիրությունները ցույց են տալիս, որ ոչ բոլոր երեխաները համակարգիչ ունեն: Բացի այդ, երեխան պետք է դպրոց հաճախի, շփվի դասընկերների հետ: Դպրոցը միայն դասերը սովորելու համար չէ»:
Նարինե Հովհաննիսյանը նշեց, որ դպրոցական արձակուրդները երկարաձգելու դեպքում տնային ուսուցման մեթոդն է կիրառվում. «Երկարատեւ հիվանդության մեջ գտնվող երեխաների հետ տնային ուսուցում է կազմակերպվում, ուսուցիչն այցելում է նրան»:
Կարդացեք նաև
Լուիզա ՍՈՒՔԻԱՍՅԱՆ
