Վարչական դատարանում դատավոր Արծրուն Միրզոյանը մարտի 3-ին հրապարակեց Հակոբ Նազարի Դեխնավի գործով դատական ակտը:
Դատարանը վճռեց բավարարել ոստիկանության հայցը եւ Հակոբ Նազարի Դեխնավիի նկատմամբ նշանակել տուգանք՝ հիսուն հազար դրամի չափով: Այսպիսով՝ Հակոբ Նազարի Դեխնավին պատասխանատվության ենթարկվեց Վարչական իրավախախտումների վերաբերյալ օրենսգրքի 182 հոդվածով՝ ոստիկանության զորքերի զինծառայողի կամ ոստիկանության ծառայողի օրինական պահանջը չկատարելը:
Հիշեցնենք, որ Հակոբ Նազարի Դեխնավին այն տղամարդն էր, որին օգոստոսի 21-ին Հանրապետության հրապարակում տեղի ունեցած «Ոտքի Հայաստան» քաղաքացիական նախաձեռնության ակցիայի ընթացքում հարվածել էր ոստիկանը: Եվ սույն վարչական գործը հենց այդ միջադեպի վերաբերյալ էր:
Ամի ՉԻՉԱԿՅԱՆ