Մոսուլում տեղակայված Թուրքիայի Հանրապետության հյուպատոսարանն ավերվել է՝ ԱՄՆ ղեկավարած կոալիցիոն ուժերի ռմբակոծության հետևանքով։ Այս մասին տեղեկացնում է Reuters լրատվական գործակալությունը։
Աղբյուրը հղում է կատարել Թուրքիայի Հանրապետության Արտաքին գործերի նախարարության տարածած հաղորդագրությանը, որի մեջ ասվում է, որ «Իսլամական պետություն» ահաբեկչական խմբավորման դիրքերը ռմբակոծելիս ավերվել է նաև Մոսուլում Թուրքիայի հյուպատոսարանի շենքը։
Տեղեկությունների համաձայն՝ ռմբակոծությունները սկսվել են գիշերը 03-ին։ Հավելենք նաև, որ 2014թ. հունիսից ի վեր Մոսուլում Թուրքիայի հյուպատոսարանի շենքը գտնվում էր «Իսլամական պետություն» ահաբեկչական խմբավորման տիրապետության տակ։