Ֆրանսիայի Արտաքին գործերի նախարարության հատուկ ներկայացուցիչ Ռոմեն Նադալը հայտարարել է, որ ԵԱՀԿ Մինսկի խումբը ապրիլի 5-ին կհավաքվի Վիեննայում, որպեսզի քննարկի ԼՂՀ հակամարտության շուրջ ստեղծված իրավիճակը։ Այս մասին տեղեկացնում է Daily mail լրատվական կայքը։
Ֆրանսիայի արտաքին գերատեսչության հատուկ ներկայացուցիչը իր խոսքում մասնավորապես ասել է. «ԵԱՀԿ Մինսկի խմբի համանախագահ Պիեռ Անդրեն և նրա ամերիկացի ու ռուս գործընկերները դատապարտել են զենքի կիրառումը և կոչ են արել պահպանել զինադադարը։ Նրանք կհանդիպեն ապրիլի 5-ին Վիեննայում, ինչպես նաև կմասնակցեն ԵԱՀԿ մշտական խորհրդի աշխատանքներին»։
