Երեկ Հայաստանում Ռուսաստանի Դաշնության դեսպանատունը նվեր ստացավ «Ձեռքներդ հեռու Արցախից» նախաձեռնության անդամներից` «Արյունոտ ռուսի սապոգ» եւ «Մոլոտովի կոկտեյլ»: Տեւական ժամանակ ակցիայի մասնակիցներին չէր հաջողվում նվերը հսնձնել հասցեատիրոջը, ոստիկանները երեք շարքով փակել էին փողոցը` ակցիայի մասնակիցներին թույլ չտալով մոտենալ դեսպանատան մայթին: «Եթե Լավրովին դուր չի գալիս, որ մենք այսպիսի նվեր ենք տալիս, է, մեզ էլ դուր չի գալիս, որ Լավրովը հողերը տալուց է խոսում. ես հիմա ոստիկաններին հարց եմ տալիս` բա ինչո՞ւ օդանավակայանում Լավրովի ճանապարհը չեն փակում»,- «Առավոտի» հետ զրույցում անդրադառնալով ոստիկանների պահվածքին՝ ասաց քաղաքագետ Ստեփան Սաֆարյանը:
«Եթե այդքան դուխ ունեին, այդքան ուժ ունեին, թող փակեին Լավրովի ճանապարհը, որ Հայաստան չգար: Սա իմ իրավունքի սահմանափակում է: Ես իրավունք ունեմ եւ այսպես եմ բողոքս արտահայտում, ոստիկանությունն իրավունք չունի սահմանափակելու իմ այդ իրավունքը»,- ասաց մեր զրուցակիցը` հավելելով, որ եթե ոստիկանները կասկածում են նվերի բովանդակության վրա՝ հակաահաբեկչական նկատառումներով, թող բարի լինեն եւ ստուգեն:
«Առավոտ» օրաթերթ
22.04.2016
Հետաքրքիր է, ցույցերին մասնակցող այդ երիտասարդներից ովքեր են մեր բանակում ծառայել, նրանցից ովքեր են ցանկություն հայտնել որպես կամավոր վերջին օրերին այցելել Արցախ և ի վերջո, իրենց ցույցերով ում և ինչ են ուզում ապացուցել: Պահանջել է պետք մեր իշխանություններից, այլ ոչ թե Հայաստան ժամանած պաշտոնյաներից: “Առավոտ”-ը պարբերաբար անդրադարձ է կատարում ՊՆ պարձրաստիճան ղեկավարներին, նրանց կողմից թալանի միջոցով ձեռք բերված ունեցվածքին, թանկարժեք մեքենաներին, նրանց մեծահարուստ կանանց և այլն: Հարց` ինչու նրանց ճանապարհը չի փակվում?:
Իմ կարծիքով նման վարքագիծ դրսևորելը հարիր չէ մեր երիտասարդներին: