Այսօր լրագրողները ՀՀԿ պատգամավոր Վարդան Այվազյանին հարցրեցին՝ համամի՞տ է այն կոչին, որ բանակում չծառայած տղային պետք է աղջիկ չտալ, հասարակությունը պետք է պարսավանքի ենթարկի նրանց:
Հիշեցնենք, որ նման հորդոր էր արել ՊՆ մամուլի խոսնակ Արծրուն Հովհաննիսյանը:
Վարդան Այվազյանը պատասխանեց. «Աբսուրդություն է դա, չի՛ կարելի բնության դեմ գնալ: Բնությանը դու պետք ա գնաս համահունչ: Վերեւի նստած մարդը չի որոշում՝ էդ տղեն աղջիկ ուզի, թե չուզի: Ու հայ կինն էլ ինձ համար ամենամեծ արժեքն ա, դրանից վերեւ արժեք չկա»:
Վարդան Այվազյանի խոսքերով՝ «Այս 4-օրյա պատերազմը ցույց տվեց, որ հայ գենոֆոնդը ամենաամենաներից ա, ու այդ գենոֆոնդի դաստիարակության մեջ ամենամեծ առաքելությունը նորից հայ կինն է: Ես մարդկանց գիտեմ ,որ չգիտեմ ինչ դրդապատճառներով իրենց տղուն ազատել են բանակից, բայց երբ որ հանկարծ կռիվ եղավ, հելան գնացին էնտեղ, հասկանո՞ւմ եք: Ես չեմ կարող որոշել՝ դուք ում պետք ա սիրեք, ում՝ չէ, չեմ կարող ազատության վրա սահմանափակում դնել»:
Կարդացեք նաև
Վարդան Այվազյանը թեմայի մեջ խորացավ, որ չի կարելի բռնանալ մարդու համոզմունքների, ազատությունների վրա. «Վաղ թե ուշ դա դուրս է գալու»:
Հռիփսիմե ՋԵԲԵՋՅԱՆ
