Թուրքիայի նախագահ Ռեջեփ Թայիփ Էրդողանը զանգահարել է Եվրատեսիլ-2016թ. երգի միջազգային մրցույթի հաղթող, Ուկրաինայի ներկայացուցիչ Ջամալային և շնորհավորել հաղթանակի կապակցությամբ։ Այս մասին տեղեկացնում է թուրքական aksam.com լրատվական կայքը։
Կայացած հեռախոսազրույցի ընթացքում Թուրքիայի նախագահը շնորհավորել է թաթարական արմատներ ունեցող Ուկրաինայի ներկայացուցիչ Ջամալային՝ Եվրատեսիլում հաղթելու կապակցությամբ։ Հեռախոսազրույցի ընթացքում երգչուհին շնորհակալություն է հայտնել հեռախոսազանգի համար և նշել, որ խիստ շոյվել է նախագահ Էրդողանի ցուցաբերած ուշադրությունից։
