Ճանապարհային ոստիկանության պետ Արմեն Հակոբյանն այսօր ԱԺ-ում լրագրողների հետ զրույցում հայտարարեց, որ նոր արագաչափերի անհրաժեշտություն է տեսնում:
Հարցին՝ ինչքանո՞վ եք ավելացնելու դրանց քանակը, նա պատասխանեց՝ ինչքան անհրաժեշտություն լինի, այդքան էլ կավելացնենք: Ասաց, որ արագաչափերը շատացնելու են:
Հարցին՝ դուք չգիտե՞ք, որ հանրությունը համատարած դժգոհ է տեսախցիկներից, արագաչափերից՝ նա պատասխանեց. «Արագաչափերից օբյեկտիվ որեւէ դժգոհություն չկա հանրության շրջանակներում: Ես ձեզ կարող եմ մատնանշել հարյուրավոր, նույնիսկ հազարավոր դիմումներ, երբ հանրությունը, համայնքի ղեկավարները իրենք են դիմում, խնդրում են ուղղակի, որ այստեղ տեղադրեք արագաչափ»:
Մեր դիտարկմանը, որ առաջարկ է հնչում ԱԺ-ում, որ այդ տեսախցիկները ուղարկեք բանակ՝ սահմանի վրա՝ Արմեն Հակոբյանը հեգնեց. «Հեսա, ԱԺ-ում եք, ներկայացրեք ձեր առաջարկությունը»:
Կարդացեք նաև
Հռիփսիմե ՋԵԲԵՋՅԱՆ
