2016թ. հունիսի 6-ից 14-ը Երևանում տեղի կունենա Արամ Խաչատրյանի անվան դիրիժորական 12-րդ միջազգային մրցույթը։ Այս մասին տեղեկացնում է ռուսական «ՌԻԱ» լրատվական գործակալությունը։
Աղբյուրի փոխանցմամբ՝ մրցույթին մասնակցելու հայտ է ուղարկել տարբեր երկրներ ներկայացնող 57 դիրիժոր, որոնցից միայն 14-ին է թույլատրվել մասնակցել եզրափակիչ փուլին։ Մրցույթի համար ընտրվել է միջազգային ժյուրի։
Նշվում է, որ Արամ Խաչատրյանի անվան դիրիժորական 12-րդ միջազգային մրցույթն անցկացվում է ՀՀ մշակույթի նախարարության, «Արամ Խաչատրյան-մրցույթ» մշակութային հիմնադրամի և Կոմիտասի անվան կոնսերվատորիայի միջոցներով և ՀՀ առաջին տիկին Ռիտա Սարգսյանի հովանու ներքո։
Կարդացեք նաև