Ֆրանսիա այցելած հայ զբոսաշրջիկների խումբը հաճելիորեն զարմացել է, երբ Բել-Էվեկ ապրանքանիշը կրող գինու դեգուստացիոն սրահում իրենց դիմավորել է աշխարհահռչակ դերասան եւ ռեժիսոր Պիեռ Ռիշարը։ Անակնկալի եկած հայերը հենց դերասանից էլ տեղեկացել են, որ Բել-Էվեկ գինին արտադրում է Ռիշարի ընկերությունը՝ նրա իսկ աճեցրած խաղողի բարձրորակ հումքից։
Զբոսաշրջիկների խմբից Գոհար Ղուկասյանի փոխանցմամբ՝ աստղային կոչված հիվանդությունը խորթ է հանրահռչակ դերասանին։ Նույնիսկ զարմացել է՝ իմանալով, որ ճանաչված է Հայաստանում։ Երբ ասել են, որ Հայաստանում ապրողները լավ տեղեկացված են իր արվեստին ու անգիր գիտեն նրա կերտած դերերը, եւ ուրախացել է, եւ զարմացել։ Ինչպե՞ս, Հայաստանում ինձ ճանաչո՞ւմ են՝ անկեղծորեն զարմացել է մեգաաստղը։
«Այդ պահին հիշեցի նաեւ մեկ այլ աշխարհահռչակ դերասանի՝ Ալեն Դելոնի զարմանքը, երբ այստեղ՝ մեր երկրում հասկացավ, որ հայերն իրեն ոչ միայն ճանաչում, այլեւ շատ սիրում են»,- ասաց տիկին Գոհարը՝ ավելացնելով. «Այդքան մեծ ու այդքան համեստ…»։
Հայ զբոսաշրջիկների նկատմամբ Պիեռ Ռիշարն առանձնակի վերաբերմունք է ցուցաբերել։ Ասել է, որ Հայաստանը ճանաչում է որպես հին ու հարուստ մշակույթ ունեցող երկիր, որն «աշխարհին քաղաքակրթություն է տալիս»։
Կարդացեք նաև
Սերոբ ՄԱՐՈՒԹՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
