Տեղամասային հանձնաժողովի ընդդիմադիր անդամները «կհասնեն մինչև Եվրոպական դատարան»:
Արաբկիր և Քանաքեռ Զեյթուն վարչական շրջանների դատարանն այսօր երեք տարվա պայմանական ազատազրկման դատապարտեց սահմանադրական փոփոխությունների հանրաքվեի օրը քվեատուփը գողացած և ընտրության արդյունքները փոխած տեղամասային հանձնաժողովի նախագահին։ Մեղադրական եզրակացության համաձայն, 4/20 տեղամասի հանձնաժողովի նախագահ Նիկոլայ Մոսինյանը, լինելով նոր Սահմանադրության կողմնակիցն ու նպատակ ունենալով նպաստել դրա ընդունմանը, շուրջ 500 չքվեարկված թերթիկներում «այո» նշումն է արել ու փոխել քվեարկության արդյունքը։
Նույն հանձնաժողովի անդամ Ալիտա Սարդարյանը «Ազատության» հետ զրույցում պատմեց դեկտեմբերի 6-ին տեղի ունեցածի մանրամասները։ «Ընդեղ ինքն ասում է, որ 500 թերթիկ է ընդամենը լցրել, բայց հազար թերթիկից ավել էր լցրել: Չի լցրել, պարկն ամբողջությամբ օրինական փակվել է, արձանագրությունն օրինական դրվել է, ինքը պարզապես ոստիկանության օգնությամբ գողացել է պարկը, տարել է մեկ այլ տարածքում, այլ վայրում, միգուցե իր տանը, կեղծարարությամբ է զբաղվել և բերել է 4-5 ժամ հետո հանձնել: 4-5 ժամ հետո պարկը նոր հասել է տարածքային, երբ որ ընդամենը երկու կանգառ էր, 3 րոպեի ճանապարհ»:
Մանրամասներին կարող եք ծանոթանալ «Ազատություն» ռ/կ-ի կայքում
Թատրոնը շարունակվում է