Անհիմն են մեղադրանքները, թե Թալիշում ապրիլին դաժանաբար խոշտանգված եւ սպանված Խալափյանների որդին լքել է տարեց ծնողներին ու տատին եւ հեռացել: Այս մասին այսօր` հունիսի 18-ին, «Նոյան Տապան»-ում լրագրողների հետ հանդիպման ժամանակ ասաց «Թալիշ» հիմնադրամի հոգաբարձուների խորհրդի նախագահ Մելիտա Խալափյանը:
Նա զարմացավ. «Ո՞նց կարելի է նման բան ասել, նա երկու մեծահասակի եւ 6 երեխայի իր մեքենայով հանել է գյուղից, որպեսզի հետո հետ գա` տարեցներին տանի»:
Ինչպես օրեր առաջ գրել էր «Հրապարակ»-ը, Թալիշում դաժանաբար սպանված Խալափյանների որդին՝ Գագիկ Խալափյանը Չարենցավանում Բակո Սահակյանի հետ հանդիպման ժամանակ նշել է, որ Մարտակերտի վարչակազմի ղեկավարը վիրավորել է իրեն, թե՝ «դու թողել ես քո ծնողներին, փախել ես, մնայիր, իրենց պաշտպանեիր»: Խալափյանների որդին, որը հասցրել է կնոջն ու վեց երեխաներին գյուղից հանել, ապա վերադարձել ծնողների ետեւից, վարչակազմին մեղադրում էր բնակչության պատշաճ տարհանում չիրականացնելու մեջ։
Լուիզա ՍՈՒՔԻԱՍՅԱՆ
Գագիկն է առաջինը հայտնաբերել այդ դիվերսանտներին: Եթե նա չլիներ, ապա գյուղում կլինեին ավելի շատ անմեղ զոհեր: Մյուս հարցերում երիտասարդը ճիշտ է քննադատում…