«Եթե Չինաստանի նման հզոր երկիրն անդամակցի Եվրասիական տնտեսական միությանը (ԵՏՄ), դա անդամ երկրների համար միայն դրական կարող է լինել. Չինաստանը հարուստ, տնտեսական մեծ պոտենցիալ ունեցող երկիր է»,- Վ. Բրյուսովի անվան ԵՊԼՀ-ում Չինագիտական կենտրոնի բացման ժամանակ լրագրողների հետ ճեպազրույցում այսպիսի տեսակետ հայտնեց ՀՀ կառավարությանն առընթեր պետական եկամուտների կոմիտեի (ՊԵԿ) նախագահ Հովհաննես Հովսեփյանը:
Ինչ վերաբերում է Չինաստանի՝ ԵՏՄ-ին անդամակցելու հավանականությանը, ՊԵԿ նախագահը նկատեց, որ կյանքում ամեն ինչ հնարավոր է համարում:
Հովսեփյանն անդրադարձավ նաև Ազգային ժողովում առաջին ընթերցմամբ ընդունված Հարկային նոր օրենսգրքին. «Միաժամանակ կան բազմաթիվ առաջարկություններ՝ հիմնականում երեք-չորս ուղղությունների հետ կապված, որոնք հիմա կառավարությունում և Ազգային ժողովում քննարկման փուլում են»:
Դառնալով փոքր և միջին ձեռնարկատերերի այն դժգոհություններին, որ նոր օրենսգիրքը կվնասի իրենց, Հովսեփյանը վստահեցրեց. «Չի կարող լինել այնպես, որ մենք ինքներս փորձենք փոքր և միջին ձեռներեցությամբ զբաղվողներին վատը ցանկանալ: Անհնարին բան է դա»:
Կարդացեք նաև
Սիրանուշ ՀԱՅՐԱՊԵՏՅԱՆ
