Վիլյամ Բադալյանը 14 երիտասարդներից մեկն է, որը կիրակի, երդվելով ՀՅԴ դրոշի, կանոնակարգի, զինանշանի եւ զենքի վրա, համալրեց Դաշնակցության շարքերը:
Նա Aravot.am-ի հետ զրույցում ասաց, որ կարծում է, որ Դաշնակցությունը այն կառույցն է, որ պետք է իր գործունեությունը դարեր շարունակ շարունակի, եւ այդ պատճառով էլ որոշել է անդամակցել կուսակցությանը. «Դեռ մանկուց ինձ հետաքրքրել է այս կուսակցությունը, նրա գործունեությունը, իր պատմությունը Առաջին Հանրապետության ստեղծումից ի վեր:
Ինձ միշտ հետաքրքրել է, թե ինչ գաղափարի շուրջ մեր հայրենակիցները կարողացան հավաքվել, հանրապետությունը առանձնացնել, կառուցել, եւ մինչեւ օրս կուսակցությունը կարողանում է իր գործունեությունը շարունակել: Ինձ թվաց, որ շատ մեծ, շատ հզոր կազմակերպություն է, եւ իր գործունեությունը դեռ շատ պետք է շարունակվի: Ես որոշեցի իմ ներդրումն ունենալ այս գործունեության ընթացքում, իմ հայրենիքի համար, պատմությունը կերտելու համար մեծ ուժով կարողանամ իմ ընկերներին օգնել»:
Անդրադառնալով երդման արարողության պատասխանատվությանը՝ Վիլյամ Բադալյանը ասաց, որ շատերը չեն կարողանում ռիսկի դիմել կուսակցությանը անդամակցելու համար. «Մանկուց մինչ այսօր սպասել եմ, թե երբ է ժամանակը գալու, ես կարողանամ արդեն երդվյալ դաշնակցական դառնալ, որպեսզի իմ գործունեությունը ավելի մեծ ուժով կարողանամ ներդնել: Այս արարողությունից հետո ավելի մեծ ուժով, նոր թափով, ավելի կանոնակարգված սկսելու եմ գործել իմ հայրենիքի համար՝ իմ հայրենիքի պաշտպանության, վերելքի, ծաղկման համար»:
Կարդացեք նաև
Ամի ՉԻՉԱԿՅԱՆ
Մոլորության մեջ ես տղա:Քեզ բան չի հասնի,քանի որ աղվանները,լևոնները, լոքյանները վաղուց դրանք սեփականաշնորհել են:Չարենցը հենց նրանց տեսակը նկատի ունենալով է,որ դաշակցության մասին այդպես արտահայտվել <>