Ռուսաստանյան մամուլն արձագանքել է Հայաստանի եւ Ռուսաստանի նախագահներ Սերժ Սարգսյանի եւ Վլադիմիր Պուտինի մոսկովյան հանդիպմանը: Ինչպես հաղորդել է «Ազատություն» ռ/կ-ն` gazeta.ru-ն գրել է, որ ԼՂ խնդիրն առանցքային է եղել Ս. Սարգսյանի քաղաքական ապագայի համար, եւ հենց դրա հետ էին կապված հուլիսյան անկարգությունները Հայաստանում, ապա հիշեցրել է, որ զինված խումբը պահանջում էր Սերժ Սարգսյանի հրաժարականը, «այդ թվում՝ նաեւ Ղարաբաղյան խնդրի շուրջ ստեղծված իրավիճակի պատճառով»: Ու չնայած Սերժ Սարգսյանն այդ իրադրությունում հաղթել է, նա իր դիրքերը մասամբ է միայն ամրապնդել՝ գրում է ռուսական պարբերականը՝ ընդգծելով այն հանգամանքը, որ Պուտինի հետ հանդիպմանը հաջորդած մամլո ասուլիսին ՌԴ ղեկավարն իր աջակցությունը հայտնեց Սարգսյանին:
Պարբերականը հիշեցնում է Պուտինի խոսքերը՝ ՌԴ-ն ի սկզբանե խստորեն դատապարտել է զինյալների գործողությունները: Պարբերականի տվյալներով՝ Պուտինի եւ Սարգսյանի հանդիպումը տեւել է մեկ ժամից էլ պակաս։ Իսկ ռուսաստանյան «Կոմերսանտ»-ը, հղում անելով իր աղբյուրին, գրում է, թե աշխատանքներ են տարվում Հայաստանի եւ Ադրբեջանի նախագահների նոր հանդիպում կազմակերպելու ուղղությամբ. «Չի բացառվում, որ այն անցկացվի նույն ձեւաչափով, ինչ ձեւաչափով տեղի ունեցավ սանկտպետերբուրգյան հանդիպումը»:
Թեմայի մանրամասները
«Առավոտ»
12.08.2016
այ սա հեչ պետք չի։