Հնարավոր է` հունվարին Հայաստանում նվազեն էլեկտրաէներգիայի եւ գազի գները: Այս մասին այսօր «Փաստարկ» մամուլի ակումբում ասաց տնտեսագետ Վահագն Խաչատրյանը:
«Մի բան կփորձեն անել… Մայիսին կար տեղեկություն, որ «Գազպրոմը» մեր նախորդ կառավարությանն առաջարկել է գազի գինն իջեցնել եւ հասցնել հարյուր դրամի: Կառավարությունը համաձայնություն չի տվել, որովհետեւ դա նշանակում էր բյուջետային եկամուտների կրճատում: Հիմա մեզ «նվեր» կմատուցեն` քաղաքականությունն այդպիսինն է: Կփորձեն ցույց տալ, որ նոր կառավարությունը ժողովրդի մասին մտածում է»,- նշեց պրն Խաչատրյանը:
Ըստ նրա` հունվարին «նվերի սկզբունքով» գուցե էլեկտրաէներգիայի գինն էլ նվազի. «Եթե դա էլ արվի, տնտեսության մեջ որոշ աշխուժություն կլինի»: Վահագն Խաչատրյանը համաձայն չէ արդարացումների հետ, թե նախորդ կառավարությունը դժվար ժամանակներ է ապրել, այդ պատճառով էլ վերջինիս խոստումները չեն իրականացել. «Չեմ ակնկալում, որ նոր կառավարությունն արտառոց քայլեր կանի: Տնտեսական ակտիվություն չկա, ունենք եկամուտների եւ շինարարության տեմպերի նվազում, ներդրումների արտահոսք: Նախորդ կառավարությունը ձախողված է»:
Կարդացեք նաև
Լուիզա ՍՈՒՔԻԱՍՅԱՆ
