ԱԺ պատգամավոր Ալիկ Պետրոսյանի խաչքավորությամբ Ապարանի Սուրբ Խաչի վրա տեղադրվեց 1716-րդ խաչը (ֆոտոշարք)

Ապարանի Սուրբ Խաչ եւ Սուրբ Հաղորդակցության Հույսի Խորան Հաղորդարանում կատարվեց Խաչադրման արարողություն:

Սուրբ Խաչի վրա տեղադրվեց 1716-րդ խաչը, որը հաջորդաբար խորհրդանշում է Հայաստանում Քրիստոնեության ընդունման տարիքը: 1716-րդ խաչի խաչքավորը ԱԺ պատգամավոր Ալիկ Պետրոսյանն էր:

Արագածոտնի թեմի առաջնորդ Տեր Մկրտիչ եպիսկոպոս Պռոշյանի հանդիսապետությամբ եւ հոգեւոր դասի մասնակցությամբ 1716-րդ խաչի օծումից հետո այն ամրացվեց Սուրբ Խաչին: Խաչքավոր Ալիկ Պետրոսյանը, դիմելով հավաքված հավատացյալ ժողովրդին, ասաց. «Այս կարեւոր արարողությունը եւս մեկ անգամ հաստատում է մեր հավատքը, միասնությունը եւ մեր անկախությունը եւ մեր անկախությունը ամեն գնով պահպանելու գաղափարը: Հիմա ուզում եմ ասել այն, ինչ բոլորդ եք մտածում: Պատահական չէ, որ պատմության ընթացքում բազմաթիվ տերություններ են անհետացել երկրագնդի երեսից: Բայց մենք մնացել ենք, կանք ու կմնանք, որովհետեւ ունենք մեծ հավատք, մեծ սեր եւ մեծ հարգանք մեկս մյուսի նկատմամբ»:

Ելույթ ունեցան նաեւ «Նիգ» հայրենակցական միության պատվավոր նախագահ Աղվան Հովսեփյանը, Հայր Կոմիտաս Վարդապետ Հովնանյանը:

Աշոտ ՀԱԿՈԲՅԱՆ