«Վանաձորում հաղթել է Սերժ Սարգսյանը` հենց այդպես` դեմ դիմաց»,-Վանաձորում տեղի ունեցած ՏԻՄ ընտրությունների արդյունքներն այսպես է բնորոշում ԱԱԾ պետի նախկին տեղակալ Գուրգեն Եղիազարյանը:
«Գյումրիում ՀՀԿ-ն պարտվել է, իսկ Վանաձորում ՀՀԿ-ն հաղթել է եւ հաղթել է Սերժ Սարգսյանը, թե ինչպես` շուտով կիմանաք»,-այսօր «Հայելի» մամուլի ակումբում ասաց նա:
Նա ԲՀԿ նախկին առաջնորդ Գագիկ Ծառուկյանին հորդոր հղեց` վերադառնալ քաղաքականություն. «Եթե նա լիներ, գար եւ տեր կանգներ ԲՀԿ-ին, ԲՀԿ-ն Վանաձորում այդ վիճակի մեջ չէր լինի: Լավ կլիներ Ծառուկյան Գագիկը լսեր ժողովրդի հորդորը: Ժողովրդի պահանջն է նրա վերադարձը: Նա վերադառնալու է: Եթե մի քիչ շուտ տեր կանգներ ԲՀԿ-ին, Վանաձորում այլ պատկեր կունենայինք: Ոչինչ չունեմ Մարուքյանի դեմ, բայց չի լինում այնպես, որ միանգամից գա եւ իշխանություն վերցնի»:
Լուիզա ՍՈՒՔԻԱՍՅԱՆ
