Թեեւ ազգ-բանակ գաղափարախոսության համատեքստում ընդունված այսպես կոչված «1000 դրամի օրենքը» չի տարածվում մինչեւ հունվարի մեկը զոհված զինծառայողների ընտանիքների վրա, սակայն տարեվերջին Չինարիի սահմանագոտում հակառակորդի դիվերսիոն գործողության հետեւանքով զոհված զինծառայողների ընտանիքները դրամական աջակցություն կստանան: Այս մասին այսօր Պն-ում լրագրողների հետ հանդիպմանը տեղեկացրեց նախարար Վիգեն Սարգսյանը:
«Նույն ծավալի գումարի, ինչ նախատեսում է օրենքը, փոխհատուցման ճանապարհները գտնելու ենք՝ բարերարների եւ նվիրատվությունների հաշվին»,-ասաց նա:
Նախարարը նշեց՝ հունվարի մեկից օրենքն ուժի մեջ է: Հիշեցնենք, որ հունվարի 18-ին Արցախի սահմանին զոհվել է զինծառայող Անդրանիկ Մուսիկյանը:
Կարդացեք նաև
Լուիզա ՍՈՒՔԻԱՍՅԱՆ
