Ներկայացնում ենք ՀՅԴ նախընտրական շտաբի պետ Աղվան Վարդանյանի հետ հարցազրույցից հատված.
– Այսօր արդեն երեք դաշինք է ձեւավորվել՝ Ծառուկյանի դաշինքը, Օհանյանի դաշինքն ու «Ելքը»։ Այս ֆոնին ՀՅԴ-ի շանսերն ինչպե՞ս եք գնահատում, եւ արդյոք դժվար չի՞ լինի մրցակցել այս դաշինքների հետ եւ ավելի շատ տեղ ունենալ խորհրդարանում։
– Այն, որ քաղաքական դաշտում պիտի գնա խոշորացում, եւ պառլամենտական համակարգը թելադրում է միավորումներ, ակնհայտ է։ Եվ դա առաջին հերթին մեր արածն է։ Մրցակցությունը մեծանալու է, այո, բայց Դաշնակցությունը ե՞րբ է վախեցել մրցակցությունից։ Եվ մարդիկ՝ գիտակից մարդիկ, մտածող, համեմատելու են։ Երկրում այսօր սկիզբ է դրվել որակական փոփոխությունների՝ տեսնի մի մասը, թե չտեսնի։ Երկրում այսօր ռեալ բաներ են սկսել կատարվել։ Կախված նրանից, թե որքան մեծ կլինի Դաշնակցության ներկայությունն ապագա պառլամենտում, այդ փոփոխությունները կխորանան, որակ կստանան, կդառնան ամեն քաղաքացու համար տեսանելի։
– Դուք այսօր այն իշխանության մեջ եք, որից դժգոհ է ժողովուրդը։ Կոալիցիայում լինելը չի՞ ազդի ՀՅԴ-ի ձայների քանակի վրա։
Կարդացեք նաև
– Իհարկե, չի ազդի։ Մենք երբեք բողոքավոր, դժգոհ, որ ինչ էլ անես՝ դժգոհելու է, մենք էդ ձայների հետ գործ չունենք։ Մենք գործ չունենք նաեւ այն ձայների հետ, որոնք վաճառվում են ընտրակաշառքով։ Մենք գործ ունենք հասարակության այն հատվածի հետ, որը, իմ կարծիքով, շատ մեծ է, որը մտածում է, գիտակցում է, համեմատում է քաղաքական ուժերին, տեսնում է, թե ով ինչ է արել եւ ինչ է անում, ով սկզբունքային է եղել եւ ով է շաբաթը մեկ տեսակետ փոխել։ Հասարակության մեջ կա նաեւ մարդկանց մի մեծ զանգված՝ առնվազն 20 տոկոս, որոնք ինքնուրույն են։
Վահե ՄԱԿԱՐՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
