Արարատի նորանշանակ մարզպետ Արամայիս Գրիգորյանից այսօր կառավարության նիստից հետո լրագրողները հետաքրքրվեցին՝ մտահոգիչ չէ՞, որ մարզերը ղեկավարում են քաղաքական նպատակահարմարությունից ելնելով: Հարցին ի պատասխան՝ Արամայիս Գրիգորյանն ասաց. «Դա իմ հարցը չէ, ես ժողովրդին ծառա եմ գնում, ժողովուրդը ինձ շատ լավ է ճանաչում, պիտի փորձենք մի բան ավել անել էս ժողովրդի հույսերն արդարացնել»:
Արդյոք բախումներ չե՞ն լինի Արարատի մարզում տարբեր քաղաքական գործիչների կողմնակիցների միջեւ, Գրիգորյանը պատասխանեց, որ այդ մասին վաղ է խոսել, իսկ երբ սկսվի քարոզչությունը, այդ ժամանակ էլ նման հարցերի կպատասխանի: Նախընտրական քարոզարշավում իր ներգրավելու մասին Գրիգորյանը խուսափեց որեւէ բան ասել: Իսկ հարցին՝ ինչո՞ւ ժամանակին հրաժարվեց այդ ծառայությունից, Գրիգորյանը պատասխանեց, որ ծառայությունից երբեք չի հրաժարվել: Գրիգորյանի խոսքերով՝ հենց այդ ծառայությունը գնահատելով են իրեն ուղարկել կառավարություն, այժմ նորից նշանակել են մարզպետի աշխատանքի, եւ, ինչպես մարզպետն ասաց՝ որեւէ խնդիր չի տեսնում:
Գրիգորյանի դիտարկմամբ՝ բոլոր նրանք ովքեր կարողանում են պրոֆեսիոնալ աշխատել, ժողովրդի հարգանքը վայելել, կարող են նորից նշանակվել նույն պաշտոնին:
Մանրամասները՝ տեսանյութում
Կարդացեք նաև
Նելլի ԲԱԲԱՅԱՆ