Արշակունյաց պողոտայում օրը մի քանի անգամ կարելի է ականատես լինել շտապօգնության մեքենաների, որոնք վարորդներից ուղղակի ճանապարհ են «մուրում»:
Այս տեսարանը հատկապես օրվա պիկ ժամերին է լինում` մայրաքաղաքի տարբեր փողոցներում: Անանցանելիության պատճառով շտապօգնության մեքենայի վարորդը, որը ծանր հիվանդ է տեղափոխում կամ շտապում է հիվանդին օգնության, ստիպված է լինում լուսաձայնային ազդանշանը միացրած խցանման մեջ երկարատեւ «լռվել»: Սակայն դրանից իրավիճակը չի փոխվում: Վարորդները մեծ ցանկության դեպքում էլ, միեւնույն է, ճանապարհը շտապօգնության մեքենային չեն կարողանում զիջել. նախ՝ այն պատճառով, որ ճանապարհին նման դեպքերի համար նախատեսված որեւէ այլ ազատ գոտի չկա, եւ բացի այդ՝ ճանապարհային ոստիկաններն էլ խցանումները կարգավորելիս այս հարցին առանձնապես ուշադրություն չեն դարձնում:
Այս խնդիրը առկա է նաեւ հրշեջ մեքենաների համար, որոնք նույնպես երթեւեկությունը մի կերպ են ճեղքում:
Քաղաքակիրթ երկրներում այս ծառայություններին, կարելի է ասել, «գլխի վրա» են պահում` հաշվի առնելով, թե հասարակության համար նրանք ինչ կարեւոր առաքելություն են կատարում: Նրանց համար առանձնացված գոտում, եթե նույնիսկ ճանապարհն ազատ է, որեւէ մեքենա մուտք չի գործում:
Կարդացեք նաև
Մեզ մոտ, բացի այն, որ այդքան երկար միացված ձայնային ազդանշանները շրջապատում անտեղի խուճապ են առաջացնում, այդ ծառայությունների նկատմամբ նման մոտեցումն ուղղակի անհարգալից վերաբերմունքի դրսեւորում է:
Լուսանկարը` ԼՈՒՍԻՆԵ ԲՈՒԴԱՂՅԱՆԻ
«Առավոտ»
22,02.2017
հերթական տգիգությունը համեմված անիմաստ նեգատիվով
անորորոշ անորորոշ բառեր բառեր ու նեգատիվ, նեգատիվ,նեգատիվ
ոչ պատճառների անալիզ, ոչ հնարավոր լուծումների առաջարկում, ոչ այլ երկրների փորձի ուսումնասիրում
>> , ստիպված է լինում լուսաձայնային ազդանշանը միացրած խցանման մեջ երկարատեւ «լռվել»: Սակայն դրանից իրավիճակը չի փոխվում:
հա և ինչ?? ինչ եք ցանկանում ասել??
>> Քաղաքակիրթ երկրներում այս ծառայություններին, կարելի է ասել, «գլխի վրա» են պահում` հաշվի առնելով, թե հասարակության համար նրանք ինչ կարեւոր առաքելություն են կատարում
իսկապես??? իսկ ինչ առաքելություն ))))
Հարգելի Հար, կարող էինք չհրապարակել Ձեր մեկնաբանությունը՝ մանավանդ որ խախտել եք մեր կայքում մեկնաբանություն գրելու կանոնները՝ քննադատության փոխարեն հարձակում, վիրավորանք: Սակայն հետաքրքիր է տեղեկանալ, արդյոք ենթադրում եք, որ լուսանկարի մակագրության մեջ պետք է վերլուծություն լինի եւ միջազգային փորձի վերաշարադրանք, լուծումների առաջարկ եւ ուսումնասիրություն: Ժանրերը չե՞ք խառնում: