«Ղարաբաղյան հակամարտությունը ռազմական լուծում չունի: Կարգավորումը պետք է իրականացվի խաղաղ բանակցությունների միջոցով, որոնց կողմ պետք է հանդիսանա ԼՂՀ-ն: Ադրբեջանը պետք է գիտակցի, որ ռազմական ճանապարհով ի վիճակի չէ լուծել հարցը, որ ցանկացած ոտնձգություն կկասեցնի ՀՀ ԶՈՒ կողմից»,-այսօր «Կոնգրես-ՀԺԿ» դաշինքի նախընտրական ծրագրի ներկայացման ժամանակ ասաց ՀԺԿ նախագահ Ստեփան Դեմիրճյանը:
Նրա բնորոշմամբ՝ հակամարտության խաղաղ կարգավորումը բխում է ՀՀ եւ ԼՂՀ ժողովուրդների շահերից. «Այն կնպաստի ՀՀ-ի արատավոր քաղաքական-տնտեսական համակարգի առողջացմանը: Չի կարելի երկրի ծանր վիճակն արդարացնել Ղարաբաղյան հակամարտությամբ: Համակողմանի ճգնաժամը պայմանավորված է նրանով, որ մարդկանց մի խումբ շարունակաբար տիրացել է իշխանությանը եւ յուրացրել երկրի հարստությունը»:
Ստեփան Դեմիրճյանի խոսքով՝ պետք է հետամուտ լինել պետական յուրացված միջոցները բյուջե վերադարձնելուն, ինչը ենթադրում է ոչ թե կուլակաթափություն, այլ օրինական միջոցների կիրառում:
Կարդացեք նաև
Լուիզա ՍՈՒՔԻԱՍՅԱՆ
