Այսօր՝ Վազգեն Սարգսյանի ծննդյան օրը, Եռաբլուրի պանթեոն էին այցելել ԵԿՄ նախագահը, Երեւանի քաղաքապետը, արդարադատության նախարարը, պատգամավորներ եւ այլ բարձրաստիճան պաշտոնյաներ: Ավելի ուշ նրանց միացավ ՊՆ նախարար Վիգեն Սարգսյանը, որը գլխավորում է ՀՀԿ ցուցակը:
Երբ լրագրողները փորձեցին հարցեր ուղղել Վիգեն Սարգսյանին, գեներալ Մանվելը միանգամից կանխեց. «Այ աղջիկներ, ես մի երկու ժամ սաղի տեղը խոսացել եմ: Դե հմի իմ խոսացածը հետ տվեք: Ես իմ խոսացածը հետ եմ ուզում»:
Կարդացեք նաև
Վիգեն Սարգսյանը ծաղիկներ դրեց սպարապետի, շիրիմին, խոնարհվեց: Լրագրողների հետ զրույցում հարցերի չպատասխանեց: Միայն ասաց. «Շատ գեղեցիկ գարնանային այս օրը՝ սպարապետի ծննդյան օրը, մենք եկել ենք Եռաբլուր՝ հարգանքի տուրքը մատուցելու: Եվ ուզում եմ մի բան մաղթել մեզ, որ այսօր լուսավոր, գարնանային օրը իրենով խորհրդանշի այն մտքերի փոխանակումը, այն ազատ բանավեճը, որ պետք է ուղեկցի ընտրարշավը՝ այսօրվանից սկսած, որպեսզի յուրաքանչյուր քաղաքացի կարողանա իր գիտակից եւ կողմնորոշված ընտրությունը կատարել առաջիկա ԱԺ ընտրություններում»:
Հռիփսիմե ՋԵԲԵՋՅԱՆ
