2016թ. ավարտին Տավուշի մարզպետարանում կայացած, մարզպետ Հովիկ Աբովյանի ասուլիսի ժամանակ լրագրողները հարց բարձրացրին, որ Ֆրանսիայի հայկական խորհրդի կողմից հիմնադրված «ՀիմնաՏավուշ» հիմնադրամի Լուսաձոր գյուղի պանրի արտադրամասում արտադրված պանիրը Տավուշի մարզում չի վաճառում, այն առաքվում է Ռուսաստան:
Գրավոր դիմել ենք Տավուշի մարզպետարան, թե ինչո՞ւ այդ հիմնադրամի Լուսաձորի պանրի արտադրամասի պանիրը սահմանամերձ Տավուշի մարզի խանութներում չի վաճառվում, այդ արտադրամասը Տավուշի մարզի ֆերմերներից կաթ չի գնում, Գեղարքունիքի մարզի ֆերմերների կաթն է գնում:
Մարզպետարանից պատասխանել են.
Կարդացեք նաև
«Ձեռք է բերվել նախնական պայմանավորվածություն, եւ մարզի համայնքներում արդեն տեղեկացված են, որ «ՀիմնաՏավուշ» զարգացման հիմնադրամի Լուսաձորի պանրի ընդլայնված արտադրամասի կողմից սահմանված չափանիշներին կաթի համապատասխանության դեպքում, արտադրամասի կողմից կաթը կընդունվի: Լուսաձորում արտադրված պանիրը վաճառվում է հենց արտադրամասում, առկա է նաև որոշ խանութներում»:
Ոսկան ՍԱՐԳՍՅԱՆ
