Հայաստանի առաջադիմական միացյալ կոմունիստական կուսակցությունն այս տարվա ԱԺ ընտրություններից առաջ միավորվեց Հայաստանի կոմունիստական կուսակցության հետ եւ կարողացավ ստանալ 0,75 տոկոս քվե։ Արդյունքներից, սակայն, ՀԱՄԿԿ-ի ղեկավար Վազգեն Սաֆարյանը չի վհատվում։
Իսկ ահա գալիք ընտրություններին կոմունիստները սկսել են պատրաստվել հենց այսօրվանից։ «Ովքե՞ր են ֆինանսավորում կոմունիստներին, եթե նրանց հիմնական ընտրազանգվածը կազմում են թոշակառուները»,- հետաքրքրվեցինք զրուցակցից։
Պարզվում է, որ կուսակցության մեջ քիչ չեն այն մարդիկ, որոնք պատրաստ են իրենց վերջին կոպեկը զոհել հանուն իրենց գաղափարները հանրությանը հասու դարձնելու։
«Մենք ունենք Ապրանք արտադրողների միություն, որի մեջ կան տնօրեններ։ Մենք շատ գործարանների տնօրենների ներառել էինք մեր ցուցակում։ Դրա համար մեր նախընտրական ցուցակը բազմաշերտ էր. կային արդյունաբերողներ, գիտամշակութային գործիչներ, բնապահպանական շարժման ակտիվիստներ»,- ասաց նա։
Կարդացեք նաև
Աշխարհի տարբեր երկրների կոմունիստների հետ էլ են մերոնք գործընկերային հարաբերությունները պահպանում՝ Չինաստանի, Չեխիայի, ՌԴ-ի, Ղազախստանի։
Թագուհի ՀԱԿՈԲՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
