Իջեւանի անտառտնտեսության եւ ՀՀ բնապահպանության նախարարության «Դիլիջանի ազգային պարկ» ՊՈԱԿ անտառներում մեծ թվով ապօրինի ծառահատումներ հայտնաբերվելուց հետո ազգային պարկի եւ նշված անտառտնտեսության տարածքներում ապօրինի հատումների վերաբերյալ քրեական գործեր հարուցվեցին: Բնապահպանական պետական տեսչության Տավուշի տարածքային բաժնի պետ Արտյոմ Մանուչարյանը սեփական դիմումի համաձայն ազատվեց զբաղեցրած պաշտոնից: Իջեւանի անտառտնտեսության տնօրեն Սուրեն Մանուկյանը նշված ժամանակաշրջանում գտնվում էր արձակուրդի մեջ, որովհետեւ ապրիլի 2-ի խորհրդարանական ընտրություններում Տավուշի մարզն ընդգրկող թիվ 13 ընտրատարածքում ՀՅԴ տարածքային թեկնածու էր: Ս. Մանուկյանը ընտրվեց պատգամավոր եւ այժմ խորհրդարանում է: Բնապահպանական պետական տեսչության Տավուշի տարածքային բաժնի եւ Իջեւանի անտառտնտեսության տնօրենների պաշտոնները թափուր են:
Մայիսի 16-ին 3 ամիս ժամկետով Իջեւանի անտառտնտեսության տնօրենի ժամանակավոր պաշտոնակատար է նշանակվել Արթուր Գաբրիելյանը, ով մինչ այդ նույն անտառտնտեսության տնօրենի տեղակալն էր: Բացի նրանից, Իջեւանում շրջանառվում են անտառտնտեսության տնօրենի հավակնորդների այլ անուններ: Թե ով կդառնա Իջեւանի անտառտնտեսության տնօրեն` պարզ կդառնա 3 ամիս հետո, օգոստոսին:
Ոսկան ՍԱՐԳՍՅԱՆ
Դաշնակներն անտառը փրթում են սեփական բյուջե ձևավորելու, պատգամավոր դառնալու կամ էլ տարբեր հարցեր լուծելու համար: Այնքան լափել են անտառապահից մինչև նախարար փքվել են: Ով է մտածում անտառը պահպանելու կամ էլ կտրած-կերսծը վերականգնելու մասին: Իսկ Իջևանի անտառտնտեսությունը շուտով կղեկավարի հաշորդ դաշնակը, ով փայտի գործով հմտացած է:
Հաջորդ տնօրենը լինելու է ՀՀԿ-ից մարզպետի թեկնածու Սևակ Քոքոբելյանը, որը վստահ եմ անելու է ամեն ինչ նախկինում կտրված ծառերը վերականգնելու համար։
Հովիկ Աբովյանի թեկնածուի դեպքում, ես համոզված եմ նույնիսկ ծառի ճյուղ չի կտրվելու, որքան հնարավոր լինի ծառատունկ են անելու…