«Ժառանգություն» կուսակցության փոխնախագահ Արմեն Մարտիրոսյանը լրատվամիջոցներից մեկին ասել է, որ ՊՊԾ գունդը գրաված զինյալներն արյունահեղության նպատակ չեն ունեցել:
«Իրավունքն» Արմեն Մարտիրոսյանից հետաքրքրվեց՝ երեք ոստիկանների մահը ՊՊԾ գնդի զինյալների կողմից արյունահեղություն չէ՞ր։ «Ոչ։ Եղել է ցավալի միջադեպ։ Համոզված եմ՝ առաջինը հազիվ թե ՊՊԾ գունդը գրաված տղաները կրակ բացած լինեին։ Եթե կրակ բացած լինեին, այլ խնդիրներ կառաջանար։ Ես ինչքան լսել եմ՝ մի ոստիկանի մահը եղել է այն պատճառով, որ ներսից դուռը փակել է, եւ չեն հասցրել ժամանակին օգնություն ցույց տալ։ Հիվանդանոցում մահացել է»,- ասաց կուսակցության փոխնախագահը։
Տեսնես պարոն Մարտիրոսյանը նույն բանը կարո՞ղ է կրկնել զոհված ոստիկանների հարազատների ու զավակների աչքերին նայելով։
Սոնա ԴԱՎԹՅԱՆ
Հոդվածն ամբողջությամբ կարող եք կարդալ «Իրավունք» թերթի այսօրվա համարում
