Ռուսաստանը և Թուրքիան ստորագրել են Անկարային հեռահար գործողության C-400 զենիթահրթիռային համակարգեր գնելու համար վարկի համաձայնագիրը: Այս մասին «Ինտերֆաքսին» ասել է «Ռոստեխի» ղեկավար Սերգեյ Չեմեզովը:
Ավելի վաղ համաձայնագրի ստորագրման մասին գրել էին թուրքական ԶԼՄ-ները, սա ռուսական կողմից առաջին հաստատումն է:
Մինչ այդ Ռոստեխի ղեկավարը «Կոմերսանտին» հայտնել էր, որ Թուրքիան ձեռք է բերում C-400-ի 4 դիվիզիոն, գործարքի արժեքը կազմում է 2.5 մլրդ դոլար: Առաջին մատակարարումները նախատեսվում են 2020թ. մարտին:
Պատրաստեց՝ Վիկտորյա ԱՆԴՐԵԱՍՅԱՆԸ
