«Պարոն Կոնջորյան, վերանայեք Ձեր տոնը, իսկապես Ձեզնից ոչ մեկ չի վախենում։ Ձեր՝ այդ ընդհանուր լարվածության մեջ արձանագրեցի, որ եթե Ձեր եղբայրը պարեկի ուղեկցությամբ գնում ու սպառնում է մարդկանց, Դուք էլ հնարավորինս փորձում եք դիստանցավորվել, բայց Դուք գալիս, ամբիոնից մի քիչ ավելի քաղաքակիրթ տարբերակով, մի քիչ ոսկեղենիկ հայերենով նույն սպառնալիքներն եք հնչեցնում։ Բարեկամաբար հորդորում ենք վերանայել Ձեր վարքագիծը»,- ասաց «Հայաստան» խմբակցության ղեկավար Աննա Գրիգորյանը՝ դիմելով ԱԺ նախագահի տեղակալ ընտրված Հայկ Կոնջորյանին իր հայտարարությունների կապակցությամբ։
Խոսելով Գագիկ Ծառուկյանի դեմ կատարվողի և իշխանության այն քաղաքականության մասին, որ մասնավորից վերցնում են ընկերությունները և այնտեղ պետական կառավարիչներ նշանակում, Աննա Գրիգորյանը նկատեց․ «Սա չի կարող չազդել ՀՀ-ի միջազգային վարկանիշի վրա։ Ժամանակ առ ժամանակ ասում են այն մասին, թե ռազմավարական նշանակության օբյեկտ էր։ Կարո՞ղ է Մուլտի Վելնեսն էլ էր ռազմավարական նշանակության օբյեկտ, որ խլեցիք։
Ուղղակի բիզնեսը խլեցիք։ Դա ոչ միայն Ծառուկյանի նկատմամբ իրականացվող հարց է, այլ՝ ՀՀ վարկանիշի հարց»։
Կարդացեք նաև
ԱԺ նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
