Շիրակի պետական համալսարանի ներկա ու նախկին մի խումբ ուսանողներ, ինչպես նաեւ ԵՊՀ-ից որոշ ուսանողներ` բուհից հեռացված դասախոսներ Գագիկ Համբարյանի ու Հովհաննես Խորիկյանի գլխավորությամբ պահանջում են ռեկտոր, ՀՀԿ Շիրակի մարզային կառույցի ղեկավար Սահակ Մինասյանի հրաժարականը:
Մի պահ մեծ իրարանցում սկսվեց բուհի դիմաց, գրեթե անկառավարելի իրավիճակ: Բուհում աշխատող որոշ դասախոսներ իջան ներքեւ ու սկսեցին քննադատել նախկին դասախոսներ Հովհաննես Խորիկյանին ու Գագիկ Համբարյանին, որոնք, ըստ նրանց, անհիմն մեղադրանքներ են հնչեցնում ռեկտորի հասցեին:
Անձնական վիրավորանքներ հնչեցին. մեկը մյուսին սկսեց դաժանորեն քննադատել: Ցուցարարների հետ հանդիպման եկավ ռեկտորը, որն ասաց, թե շարժումը չպետք է միջոց դառնա անձնական հաշիվներ պարզելու: Գագիկ Համբարյանը բացականչում էր` Սահակ կաշառակեր, իսկ ցուցարարները պահանջում էին նրա անհապաղ հրաժարականը: Ցուցարարները հայտարարեցին, որ մինչեւ ժամը 14.00-ն կսպասեն հրաժարականի մասին պատասխանին: Քիչ առաջ ցուցարարներին միացավ «Ասպարեզ» ակումբի խորհրդի նախագահ Լեւոն Բարսեղյանը, որն ասաց` ամեն մեկը ինքը պետք է պայքարի իր կառույցը «կոնցլագերից» ազատագրելու համար:
Մանրամասները` տեսանյութում
Նունե ԱՐԵՎՇԱՏՅԱՆ
