Հուլիսի 7-ին՝ ժամը 17.45-ի սահմաններում Գետահովիտ գյուղի տարածքում գործող «Քարարտ» ՍՊԸ արտադրամասի հետնամասի մոտ` ԱԺ նախկին պատգամավոր Խաչատուր Քոքոբելյանին պատկանող փոքր ՀԷԿ-ի հարակից տարածքում, էլեկտրական հոսանքի միջոցով ձուկ բռնելու ժամանակ հոսանքահարումից մահացել է Իջեւանի տարածաշրջանի Աչաջուր գյուղի բնակիչ, 1982թ. ծնված Մանվել Արամայիսի Քոքոբելյանը:
Մեր տեղեկություններով՝ ՀԷԿ-ի մոտ, Աղստեւ գետում բարեկամներով են ձուկ որսացել: Դեպքի կապակցությամբ քննություն է կատարվում, կհարուցվի քրեական գործ:
Ոսկան ՍԱՐԳՍՅԱՆ
