Լրահոս
Օրվա լրահոսը

«Ցուցադրվածը բուն Գեղարդն էր, բայց Մայր Աթոռն ունի նաեւ դրա կրկնօրինակը». Տեր Ասողիկ

Հուլիս 09,2018 14:14

Օրերս Մայր Աթոռում հավատացյալների երկրպագության համար դուրս բերված գեղարդը բուն՝ աստվածամուխ սուրբ Գեղարդն է, սակայն Մայր աթոռն ունի նաեւ դրա կրկնօրինակը: Այս մասին այսօր «Բլից ինֆո» մամուլի ակումբում լրագրողներին հայտնեց Մայր Աթոռի արխիվի եւ թանգարանների տնօրեն Տեր Ասողիկ քահանա Կարապետյանը՝ անդրադառնալով մեղադրանքներին, թե դա բնօրինակը չէ, եւ եկեղեցին խաբում է հավատացյալներին: «Կրկնօրինակը եւս սուրբ մասունք է: Եկեղեցին իր կարգն ունի. եթե առարկան հատուկ կարգով օրհնվում է եւ օծվում մյուռոնով, այն ոգեղենանում է: Երկրպագության համար միշտ դուրս է բերվել բուն Գեղարդը, որը Վեհափառ Հայրապետի հատուկ հսկողության ներքո է»,-հայտարարեց Տեր Ասողիկը:

Նա վստահեցրեց, որ եկեղեցին ժողովրդից թաքցնելու ոչինչ չունի. «Հայոց եկեղեցին ունի մեկ՝ բուն Գեղարդ եւ 1980-ականներին պատրաստված գեղարդի կրկնօրինակը: Դա արվել է բուն Գեղարդը հափշտակությունից պաշտպանելու համար: Այդ կրկնօրինակը, ինչպես շեշտեցի, օրհնվել է եւ սրբացվել»: Տեր Ասողիկը նշեց, որ աշխարհում հինգ գեղարդ է հայտնի, սակայն բնօրինակը Մայր Աթոռում պահվողն է. «Այդ գեղարդներից երեքի հանդեպ խորհրդապաշտական մոտեցում կա, թե՝ ով տիրի գեղարդին, աշխարհին կարող է տիրել: Այդպիսի նկրտումներով  Հիտլերն, ի վերջո, գեղարդներից մեկը տարավ Գերմանիա: Սա մարդկային խաբեություն է: Մեր գեղարդը աստվածամուխ սուրբ մասունքն է»:

Ուղիղ։ Տեր Ասողիկը սուրբ Գեղարդի եւ վեհափառ հայրապետի հրաժարականի պահանջի մասին

Gepostet von Aravot am Montag, 9. Juli 2018

Լրագրողները հետաքրքրվեցին, թե ինչու բուն Գեղարդը եւ բնօրինակը միասին չեն ցուցադրվում, որպեսզի թերահավատները եւս համոզվեն: Տեր Ասողիկը  պատասխանեց, որ իմաստ չկա. «Կրկնօրինակի նկարները կան համացանցում: Ցանկացողը կարող է գալ Մայր աթոռ եւ տեսնել բուն Գեղարդն ու կրկնօրինակը»: Ինչ վերաբերում է Ամենայն հայոց կաթողիկոսի հրաժարականը պահանջող «Նոր Հայաստան, նոր հայրապետ» նախաձեռնության անդամ տեր Կորյուն աբեղա Առաքելյանի հայտարարությանը, թե բուն Գեղարդի վրա չորս կնիքներ կան, Տեր Ասողիկը պնդեց. «Դա սուտ է: Ի սկզբանե երկու կնիք է եղել, ինչը փաստաթղթերով է հաստատված»:

Լուիզա ՍՈՒՔԻԱՍՅԱՆ

 

 

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. Մարգար Մախսուդյան says:

    Ավելի լավ է լինել սնահավատ, քան սուտի հավատացյալ, սակայն ավելի լավ է լինել սուտի հավատացյալ քան խաբեբա կրոնավոր։ Տարածված տեսանյությում այս մարդը պնդում էր, թե ընդամենը մի փշուր է պոկվել և նվիրվել Ալեքսի II-ին, սակայն այդպես էլ ցույց չտվեց, թե հատկապես որ մասից, ընդամենը ասելով՝ կոթառից․․․
    Այս նոր վարկածից ինձ մոտ նոր հարցեր են առաջանում․ արդյո՞ք կրկնօրինակը ևս զմրսված է 18-րդ դարի կաթողիկոսների կնիքով, թե՞ կեղծ կնիքներ են դրված, կամ եթե կրկնօրինակը պատրաստված է բնօրինակը գողությունից պաշտպանելու համար, ուրեմն այն պետք է պահվի այնտեղ, որտեղ պետք է պահվեր բնօրինակը, չէ՞։ Այդ դեպքում որտեղ է պահվում բնօրինակը, կամ ի՞նչ իմաստ ուներ այն օրհնել և օժտել այդպիսի շնորհներով․․․
    Սպասենք խուճուճապատում նոր վարկածների․․․

Պատասխանել

Օրացույց
Հուլիս 2018
Երկ Երե Չոր Հնգ Ուրբ Շաբ Կիր
« Հուն   Օգո »
 1
2345678
9101112131415
16171819202122
23242526272829
3031