Արցախի ԱԺ ընդդիմադիր պատգամավորը`Սամվել Բաբայանի`Արցախ վերադարձի մասին
– Սամվել Բաբայանն իր համակիրներին կոչ արեց ստորագրահավաք նախաձեռնել, որպեսզի հնարավոր լինի ապահովել իր մասնակցությունը Արցախի նախագահի ընտրություններին: Նկատի ունենալով այն, որ ձեր կուսակցությունը իր համակիրների առաջնամարտիկներից է`կնախաձեռնե՞ք ստորագրահավաքը:
– Մենք որևէ ստորագրահավաք չենք նախաձեռնելու: Բաբայանը խոսել է քաղաքացիական նախաձեռնության մասին: Արցախի սահմանադրությամբ ընտրողների 10 տոկոսը կարող են նախաձեռնել սահմանադրության փոփոխություն; Ենթադրում եմ, որ Բաբայանի համակիրները ցանկանում են փոխել բնակության և քաղաքացիության ցենզը, որպեսզի Սամվել Բաբայանը կարողանա առաջադրվել նախագահի թեկնածու: Նախագահ կարող է դառնալ վերջին տասը տարում Արցախի քաղաքացի հանդիսացող, վերջին տասը տարում Արցախում մշտապես բնակվող, 35 տարին լրացած անձը: Նշեմ, որ ստորագրությունների, բացի հարկավոր է ունենալ նաև ԱԺ 2/3-ի համաձայնությունը, որպեսզի հնարավոր լինի սահմանադրության փոփոխության հանրաքվե նախաձեռնել:
– Ի՞նչ եք մտածում Սամվել Բաբայանի հայտարարության մասին, որ Սերժ Սարգսյանը 2016-ին Արցախի էլիտայի հետ քննարկել է տարածքների վերադարձի հարցը: Սամվել Բաբայանին հակադարձեցին Ռազմիկ Պետրոսյանը, Վիտալի Բալասանյանը, Աշոտ Ղուլյանը, Արայիկ Հարությունյանը: Դրանց ինչպե՞ս եք վերաբերվում:
– Սերժ Սարգսյանի` Արցախի տարածքները հանձնելու մասին հայտարարությունները բազմաթիվ են: Նա իր մտադրությունները երբեք չի թաքցրել և բազմաթիվ անգամ դրանց մասին կիսվել է լրատվամիջոցներով: Զարմանում եմ այդ հարցում Սերժ Սարգսյանի պաշտպանելու միտումները:
– Տպավորություն է, որ Արցախի քաղաքական էլիտան այդքան էլ չի սպասում Սամվել Բաբայանին: Ի՞նչն է պատճառը:
– Արցախում մեկ տարուց կարևոր ընտրություններ են սպասվում և նորմալ է, որ տարբեր հավակնություններ և մրցակցություն կա: Ես խնդիրն այդ համատեքստում կտեսնեի:
Նելլի ԳՐԻԳՈՐՅԱՆ
Էլիտա…չէ մի չէ՝ արքունիք: