Aravot.am-ը Կրթության, գիտության, մշակույթի եւ սպորտի նախարարությունից (ԿԳՄՍՆ) հետաքրքրվեց` ի՞նչ ճակատագիր է սպասվում կենսաթոշակային տարիքի շուրջ 2500 մանկավարժներին:
«Երբ ուսուցիչը հասնում է կենսաթոշակային տարիքի, այսինքն` լրանում է նրա 63 տարին, Աշխատանքային օրենսգրքով նա կարող է գնալ թոշակի: Եթե այդ ընթացքում դպրոցի տնօրենը նրա հետ կնքված պայմանագիրը չի դարձնում որոշակի ժամկետով կամ չի խզում, այդ աշխատակիցը շարունակում է աշխատել դպրոցում, իսկ նրա պայմանագիրը դառնում է անժամկետ:
Որոշումը` խզվի պայմանագիրը կամ շարունակի աշխատակիցը աշխատել, կայացնում է տնօրենը: Նույն կարգը, սակայն, չի գործում տնօրենների դեպքում: Լիազոր մարմնի` քաղաքապետարանի, մարզպետարանի, Կրթության, գիտության, մշակույթի եւ սպորտի նախարարության հետ է կնքված նրանց պայմանագիրը, եւ կարգի համաձայն տնօրենը գնում է թոշակի: Ինչ վերաբերում է ուսուցիչներին, նրանց մնալ-չմնալու որոշումը կայացվում է տնօրենի կողմից:
Ու այդ որոշումը կարող է պայմանավորված լինել անհրաժեշտության հանգամանքով, օրինակ` գյուղական դպրոցում համապատասխան մասնագետների բացակայությամբ, երիտասարդ մասնագետի առկայությամբ, որը գալիս է փոխարինելու կենսաթոշակային տարիքի հասած ուսուցչին»,- Aravot.am-ին հայտնեց ԿԳՄՍ նախարարի մամուլի խոսնակ Անժելա Կժդրյանը:
Կարդացեք նաև
Գոհար ՀԱԿՈԲՅԱՆ
Լուսանկարը` ԿԳՄՍ նախարար Արայիկ Հարությունյանի ֆեյսբուքյան էջից:
Հարգելի խոսնակ Հետաքրքիր է էդ օրենքն ու կանոները տարածվում ա Մարտունի քաղաքի վրա?
Հետո էլ պետք ա ստուգել 65-ն անց կանանց և զռամյալ կանանց հոգեկան վիջակը,նոր ընդունել աշխատանկի :Այդ տարիքում շատերը կորցնում են իրենց հավասարակշռությունը: Մի 65 տարին անց զառամյալ կին տնորեն ծեծում է ու ստրկացնում իր աշխատողներին ու երեխաներին:
Հարգելի Մանանա, կարող ե՞ք կոնկրետ գրել, թե Մարտունու որ դպրոցի մասին է խոսքը: Կարող եք մանրամասների համար մեզ գրել [email protected] հասցեով:
Հարգանքով` Գոհար Հակոբյան
Նրան բոլորն են ճանաչում,եզակի դեմք է պատմության մեջ