Տավուշի մարզի Իջեւան քաղաքում ԵԿՄ-ն կարծես դեռ ՀՀԿ-ականների իշխանության տակ է: Մարզպետարանի հարեւանությամբ՝ Վալանսի փողոցում գտնվող Երկրապահ կամավորական միության Տավուշի մարզային խորհրդի շենքի վրա ծածանվում է երկու դրոշ՝ Եռագույնը եւ ՀՀԿ-ի դրոշը: Ընդ որում, ԵԿՄ-ի այդ շենքը գիշերային ակումբի եւ խաղասրահի կողքին է:
Թե ինչու եւ ինչպես է տարիների ընթացքում կուսակցականացվել ԵԿՄ կառույցը, պարզ է, բայց հիմա էլ հո Մանվել Գրիգորյանի գործոնը չկա: ԵԿՄ նախագահ ընտրված Սասուն Միքայելյանից այս առնչությամբ մեզ առայժմ չհաջողվեց պարզաբանում վերցնել, նրա հեռախոսն անհասանելի էր:
Մենք զրուցեցինք Տավուշի մարզպետի անվտանգության գծով խորհրդական, գեներալ-մայոր Նիկոլայ Գրիգորյանի հետ: Նա ասաց. «Չեմ տեսել, տղերքին կառաջարկեմ հանել: Ես տեսել եմ, որ դրոշ կա Վալանսի փողոցի վրա, այդ դրոշը վերաբերում է իրենց գրասենյակին: Ուզում եք, որ դրոշը հանվի՞: Լրիվ համաձայն եմ»,- ասաց պարոն Գրիգորյանը, հետո կատակով հավելեց. «Կամ էլ դա հանվի ու այդ տրամաբանությամբ «Իմ քայլինը» կախվի»:
Կարդացեք նաև
Հռիփսիմե ՋԵԲԵՋՅԱՆ
