«Որոշ խնդիրներ, որոնք մենք քննարկում ենք, այսպես ասած, ընդհանրական խնդիրներ, չենք լոկալացնում մեր հասարակության մեջ եւ երբեմն, որոշ խնդիրներ դառնում են չափազանցված»,- Aravot.am-ի հետ զրույցում ասաց «Ազատ դեմոկրատներ» կուսակցության փոխնախագահ Անժելա Խաչատրյանը:
Հիշեցնենք, այսօր քննարկում էր կազմակերպվել`«Կանանց քաղաքական մասնակցության խթանում» թեմայով, որին մասնակցում էին թե խորհրդարանական, թե արտախորհրդարանական ուժերի ներկայացուցիչները:
Անժելա Խաչատրյանը կարծում է, որ մեր հասարակությունում, այնուհանդերձ խնդիրներ կան եւ կանայք քաղաքականության մեջ այդքան էլ չեն ընկալվում: Այս համատեքստում, նա կողմ է «պոզիտիվ պարտադրանքին», այսինքն, որպեսզի օրենքով հստակեցումներ եւ սահմանումներ լինեն:
Նա նաեւ նկատեց, որ ընտրական գործընթացներում, օրինակ` կանանց մասնակցությունն ավելի մեծ է, սակայն, այսպես ասած`ներքեւի օղակներում, իսկ արդեն կառավարման համակարգերում, նախապատվությունը տրվում է տղամարդկանց:
Կարդացեք նաև
Այլ մանրամասները` տեսանյութում
Նելլի ԳՐԻԳՈՐՅԱՆ
