ՀՀ-ում նվազագույն աշխատավարձը շարքային Պողոսների համար 68.000֏ է, նախարարի աշխատավարձը` 1․500․000֏ կամ մոտ 45 անգամ ավել նվազագույն աշխատավարձից։
Կանադայում նվազագույն աշխատավարձը ամսեվճարով չի, այլ ժամավճարով, որը սակայն հաշվելով շաբաթական ստանդարտ 37,5 ժամ դրույքաչափով ստացվում է Կանադական Պողոսի համար ամսական $2.275, իսկ համապատասխան Կանադական նախարարը $20․625, այսինքն` մոտ 9 անգամ ավել:
Բայց սպասեք․ դեռ կենացները քաղցրանում են։
Կանադական մինիստրը այդ կեղտոտ (նախքան հարկային եւ այլ պահումները) ամսական $20․625-ից, հարկերի եւ այլ պահումներից հետո ստանում է ամսական $12.400, իսկ մինիմում աշխատավարձով աշխատող Կանադական Պողոսը ամսական $1.879։ Այսպիսով` Կանադական նախարարի եւ Կանադական Պողոսի միջեւ սոցիալական տարբերությունը կրճատելով 6․5 անգամի։
Կարդացեք նաև
Հայաստանյան Պողոսը իր 68.000֏-ից հարկային մուծումներից եւ այլ պահումներից հետո առձեռն ստանում է 50.600֏, իսկ Հայաստանյան նախարարը իր 1․500․000֏ -ից հարկային մուծումներից եւ այլ պահումներից հետո ստանում է մոտ 1.075.000֏՝ դրանով իսկ սոցիալական բեւեռվածության աստիճանը կտրուկ նվազեցնելով մոտ 21 անգամի։
Եթե ՀՀ գոնե Կանադայի պես սոցիալական արդարություն ունենար (որն, ի դեպ, անգամներ հեռու է արեւմտաեվրոպական չափանիշներից) ապա ՀՀ նախարարի աշխատավարձը հեռավոր համադրելի կլիներ Հայաստանյան Պողոսի աշխատավարձի հետ եւ կկազմեր 450․000֏, որից եւ հարկային եւ այլ պահումներից հետո ՀՀ նախախարը կստանար մոտ 325․000֏, այսինքն` Հայաստանյան Պողոսից մոտ 6.5 անգամ ավել։
Այսինքն` ՀՀ-ն Կանադական սոցիալական արդարության պատկերացմանը զիջում է առավել քան 3 անգամ։
Կամ ՀՀ իշխանությունները գտնում են, որ շարքային Պողոսներին «ադ ալ շատ է» կամ համարում են, որ ՀՀ սահմանադրության առաջին հոդվածի 5-րդ բառը (սոցիալական) ավելորդ է, կամ էլ, որ Հայաստանյան նախարարները շատ ավելի բարդ ու, հետևաբար, բարձր վարձատրվող աշխատանք են կատարում եւ դրանով արդարացնում են իրենց եւ շարքային Պողոսի կենսագոյության 22 անգամյա անդունդը։
Արա ՊԱՊՅԱՆ
«Մոդուս Վիվենդի» կենտրոնի ղեկավար
Մաքուր աշխատավարձն է դառնում 68000 դրամ, հարաբերությունը կլինի 15.6, այսքան ակնհայտ սխալի դեպքում մնացած տվյալներն էլ որքանով են ճիշտ