Հայկական ԶԼՄ-ները, հղում տալով «Российская газета» պարբերականին, տեղեկություն են տարածել,որ ՌԴ ՊՆ նախարարությունը Ինգուշիայում՝ Ադրբեջանի սահմանից 180 կմ հեռավորության վրա, տեղակայել է միջուկային հրետանային համակարգեր։
Այս տեղեկությունը ռազմական փորձագետ Տարոն Հովհաննիսյանի համար այնքան էլ վստահելի չէ. «Ես չեմ լսել այս տեղեկության մասին, որոշակի տեղերում կարդացել եմ, բայց չգիտեմ՝ վստահելիության աստիճանը, պաշտոնական աղբյուրից չէ»:
Մեր զրուցակիցը հայ-ադրբեջանական սահմանի լարվածության ֆոնին, վերջին շրջանում Ռուսաստանի կողմից մի քանի ուղերձներ է նկատել ուղղված թե՛ Ադրբեջանին, թե՛ Թուրքիային, «Երբ Ադրբեջանի ՊՆ նախարարն ու այլ գործիչներ գնացին Թուրքիա, Թուրքիան սկսեց հայտարարություններով ակտիվ միջամտել Տավուշի սահմանին, ռուսական կողմը սկսեց ուղղակիորեն կամ անուղղակիորեն խառնվել այս գործընթացներին՝ որոշակի ուղերձներ հղելով, որ Թուրքիայի ներգրավման դեպքում ռուսական կողմը եւս անգործ չի մնա: Քանի դեռ հակամարտությունը սահմանափակվում էր ՀՀ -Ադրբեջանի միջեւ լոկալ ռազմական գործողություններով, ՌԴ դիրքորոշումը համեմատաբար ավելի չեզոք էր, բայց Թուրքիայի ակտիվացման հետ ակտիվացավ նաեւ ռուսական գործոնը, որովհետեւ ՌԴ-ն չի կարող թույլ տալ տարածաշրջանում թուրքական ազդեցության մեծացում, դա հակասում է իրենց շահերին»:
Փորձագետի համոզմամբ ՀՀ եւ ՌԴ զորքերի միջեւ զորավարժությունները նույնպես հստակ ուղերձ էին Ադրբեջանին՝ մի խառնեք այս հարաբերություններում Թուրքիային, եւ ուղերձ էր նաեւ Թուրքիային, որ չխառնվի այս իրավիճակին:
Կարդացեք նաև
Արփինե ՍԻՄՈՆՅԱՆ
