Aravot.am-ի հետ զրույցում Գյումրու քաղաքապետարանի տրանսպորտի բաժնի պետ Արտյոմ Սարգսյանն, անդրադառնալով քաղաքի հասարակական տրանսպորտի ծանրաբեռնված աշխատանքին, կորոնավիրուսի տարածման պայմաններում կանգնած վիճակում ուղևորներ տեղափոխելուն, խոստացել էր, որ սեպտեմբերի 15-ից սկսած՝ դպրոցներում դասերի սկսվելուն պես, կավելացնեն միկրոավտուբուսների թիվը։
Նա ասել էր, որ այս ուղղությամբ բանակցություններ են վարում երթուղին շահագործող ՍՊԸ-ի հետ։ Ըստ քաղաքապետարանի պաշտոնյայի, արտակարգ դրության պայմաններում, ՍՊԸ-ն 50 տոկոսի չափով կորցրել էր ուղևորահոսքը, այդ պատճառով էլ դիմում էր ներկայացրել քաղաքապետարան, հրաժարվել որոշ երթուղիներից, նույնիսկ ցանկություն էր հայտնել հրաժարվել շահագործումից։
Այսօրվանից երթուղի մտցրեցին մեծ ավտոբուսները, որոնք և պահանջում էին գյումրեցիները։ Ըստ մեր զրուցակցի, ուղևորահոսքի կտրուկ անկման ժամանակ ավտոբուսները շահագործող ՍՊՆ-ն դիմում էր ներկայացրել քաղաքապետարան՝ հրաժարվելով երթուղուց, 15 ավտոբուսներից 6-ն էին պատրաստ աշխատելու, մնացածը տեխնիկապես խայտառակ վիճակում են գտնվում։
Կարդացեք նաև
Քաղաքապետարանը որոշել է ժամանակավոր դադարեցնել ՍՊԸ-ի գործունեությունը ու հարմար պահի վերագործարկել, որը փաստորեն այսօրվանից արել են։
Արտյոմ Սարգսյանի հետ հարցազրույցի մանրամասները՝
Նունե ԱՐԵՎՇԱՏՅԱՆ
