Օրերս Նիկոլ Փաշինյանը հայտարարեց, թե գեներալի ուսադիրներով մի մարդ, ում անունը ինքը չի տալիս, լքել է արցախաադրբեջանական ճակատը եւ փախել Երեւան: Հասկանալի էր, որ նա ակնարկում էր ԱԱԾ նախկին տնօրեն, «Հայրենիք» կուսակցության նախագահ, գեներալ-մայոր Արթուր Վանեցյանին:
Այսօր Նիկոլ Փաշինյանի հրաժարականը պահանջող 17 կուսակցությունների կազմակերպած հանրահավաքի ժամանակ կառավարության շենքի առջեւից ԱԺ շենք քայլերթի ժամանակ Aravot.am-ը Արթուր Վանեցյանին խնդրեց մեկնաբանել այդ հայտարարությունը:
«Թուրքի, թրքամետ թուրքի թուղթը ստորագրած մի դասալիք ու ազգի դավաճան խոսում է դասալքության մասին, ինչը անհեթեթություն է: Նա քրոնիկ ստախոս է, որը միշտ մարդ է որոնում մեղավոր նշանակելու համար: Բայց այս անգամ չի կարողանալու: Մենք թուրքական վիլայեթ չենք դառնալու: Ունենալու ենք Հայաստանի Հանրապետություն, Արցախի Հանրապետություն: Մեր երկրի պատմությունը, մեր ինքնությունը գրչի մի ստորագրությունով չենք կարող գցել պատմության աղբարկղը»,- ասաց պարոն Վանեցյանը:
Ճշգրտող հարցին, թե ինքն իր զորքով պատերազմի ո՞ր հատվածում է եղել, գեներալը պատասխանեց. «Շուշիում, Մարտակերտում, Շոշում: Մենք պաշտպանության բանակի հրամանատարության հրամանով տարբեր վայրերում, որտեղ իրավիճակը թեժանում էր, գնում էինք տարբեր մարտական գործողություններ կատարելու»,-ասաց գեներալը:
Կարդացեք նաև
Աշոտ ՀԱԿՈԲՅԱՆ
