Այսօր հրավիրված 17 կուսակցությունների հանրահավաքը մեկնարկելուց առաջ, ընթացքում եւ դրանից հետո ուժային կառույցները սկսել էին տարբեր քաղաքական գործիչների բերման ենթարկել:
Ազատամարտիկ Գեւորգ Գեւորգյանը Aravot.am-ին տեղեկացրեց, որ իրեն առանց որեւէ պատճառաբանության տնից են հրավիրել ԱԱԾ եւ շուրջ երեք ժամ պահելուց հետո ստորագրություն վերցրել առ այն, որ պարտավորվում է առաջին իսկ ծանուցումն ստանալու դեպքում ներկայանալ ԱԱԾ:
ՀՀԿ խոսնակ Էդուարդ Շարմազանովը պատմեց, որ իրեն առանց որեւէ պատճառաբանության բերման են ենթարկել «Ազատության» հրապարակի մերձակայքից եւ տարել Էրեբունի շրջանի ոստիկանական բաժին: «Ամբողջ գործընթացը տեւեց շուրջ երեք ժամ: Վարչական տույժ նշանակեցին, ինչը իմ փաստաբանի հետ բողոքարկելու ենք: Իսկ ես ոստիկանությունից անմիջապես եկա միանալու հանրահավաքին»:
Կարդացեք նաև
Աշոտ ՀԱԿՈԲՅԱՆ