«Քիչ առաջ հրավիրվել եմ ԱԱԾ: Զանգ ստացա աշխատակցից: Չգիտեմ ինչ քրեական գործով, չգիտեմ ինչ վարույթով, չգիտեմ ինչպիսի կարգավիճակով: Հիմա ներս եմ մտնում՝ հուսով եմ, որ ԱԱԾ-ն կմնա Հայաստանի Հանրապետության ազգային եւ պետական շահի վրա ու կսպասարկի բացառապես ՀՀ շահը, կգտնվի օրենքի եւ իրավունքի շրջանակներում, կկատարի իր պարտականությունը»,- լրագրողների հետ զրույցում ասաց «Մեկ Հայաստան» կուսակցության նախագահ Արթուր Ղազինյանը:
Հարցին՝ կարծում եք, այսօրվա հանրահավաքի հե՞տ է կապված ԱԱԾ հրավիրելը՝ Ղազինյանը պատասխանեց, որ որեւէ այլ առիթ չունի ԱԱԾ հրավիրվելու. «Կարծում եմ, հարցը կապված է քաղաքական ընդդիմադիր գործունեության հետ: Մինչ այժմ այս շենքում չեմ եղել երբեք, որեւէ պատճառ, որեւէ առիթ չեմ ունեցել այցելելու ԱԱԾ»:
Հռիփսիմե ՋԵԲԵՋՅԱՆ
