aparaj.am. Մարտի 4-ին Ստեփանակերտի Վերածննդի հրապարակում էին հավաքվել Արցախի բռնագրավված տարածքների բնակիչներ: Նրանք դժգոհություն են հայտնել առկա իրավիճակի, իրենց խնդիրների նկատմամբ տիրող անտարբերության համար:
Հավաքի մասնակիցները մեզ հետ զրույցում նշել են, որ իրենց նպատակն է քաղաքական աշխարհի ուշադրությունը սևեռել տիրող իրավիճակի վրա: Ներսի վրա արդեն հույս չեն դնում և հայացքները դեպի դուրս են ուղղել:
Ներկաների մի մասը նշել է, որ իրենց հավաքը ի աջակցություն «Հանուն Հադրութի» ՀԿ-ի է, ովքեր այդ նույն ժամանակ Երևանում տարբեր դեսպանատների են դիմում՝ նախկինում ուղարկված նամակների պատասխանները ստանալու համար:
Մի մասն էլ սոցիալական տարբեր խնդիրների մասին է բարձրաձայնել, որոնց բախվում են տնից զրկված արցախցիները: Ազոխի բնակիչ Վրեժ Հակոբյանը «Ապառաժ»-ին տեղեկացրել է, որ բնակության համար նորմալ պայմաններ չունի և ստիպված գիշերներն էլ է աշխատում՝ ընտանիքի սոցիալական բեռը թեթևացնելու համար:
Կարդացեք նաև
Որոշ ժամանակ անց ԱՀ նախագահն իր մոտ է հրավիրել հավաքի մասնակիցներից մի քանի ներկայացուցիչների:
