ԱԺ պետաիրավական հարցերի հանձնաժողովն այսօր քննարկման արդյունքում դրական եզրակացություն տվեց «Բարգավաճ Հայաստան» խմբակցության պատգամավոր Վահե Էնֆիաջյանի հեղինակած՝ «Քրեական օրենսգրքում փոփոխությունների մասին» նախագծին, որով առաջարկում է խստացնել պետական դավաճանության եւ լրտեսության համար պատիժները, մասնավորապես՝ սահմանել ցմահ ազատազրկում եւ գույքի բռնագանձման հնարավորություն։
«Պետության եւ ժողովրդի դեմ մեծագույն այդ հանցանքների համար ամենախիստ պատիժն է սահմանվում։ Քննարկումների գերակշիռ մասի հիման վրա եկանք համաձայնության, որ լրտեսության համար եւս սահմանվի ցմահ ազատազրկում։ Նույն առաջարկը ներկայացրել է նաեւ կառավարությունը»,-լրագրողների հետ զրույցում ասաց Վահե Էնֆիաջյանը։
Լուիզա ՍՈՒՔԻԱՍՅԱՆ
